ROJAS seu ROXAS

ROJAS seu ROXAS

nomen illustris in Hispania Familiae; in qua Ioannes de Roxas Regis Sanctii IV. amicitiâ singulari claruit et Martinum genuit atque Ioannem Rodericum. Ille domûs de Poza, hic de Mora auctor est. Martinus Didacum Martinum et Sancium Sanchez, filios habuit; Didacus Lupum Diazium, iste Sanctium Sanchez Dn. de Poza, cuius filia Sancia successionem attulit marito Didaco Fern. de Corduba Dn. de Baena; unde huius filius Ioann. Rodericus de Roxas dictus Pozam tenuit, pater Didaci et Gomesii Manticii de Roxas, Dominorum de Requenna satoris. Verum a Didaci filia Elvira, uxore sua, Pozam recepit agnatus, ex Sancii Sanchez prioris posteris, Didacus de Roxas, Dn. de Monzon et Gabia, Ioannis de Roxas, primi Marchionis de Poza et huius successorum pater (Familiae hereditate demum, Marianae de Roxas coniugiô, ad Ludovicum Ferdin. de Corduba et Cardona D. de Sasâ devolutâ) Ex Monzonnensi linea etiam fuit Agnes de Roxas, Fernando Gutierez de Sandoval nupta, a qua cognomen illi genti, quam suô locô vide. Ulterius, Lupus Diazius praedictus, praeter Sancium Sanchez, Ruisium Dianium genuit Dn. de Sant acruz del Campezo, quorum hereditatem adiêre Mendozio-Guzmanni de Orgaz. Alterum arboris ramum quod concernit, qui in Ioanne Roderico coepit, exaruit is maturius. Siquidem Ioannis nepti, Teresia Gomesia de Roxas, Francisco Vasquezio de Toledo Dn. de Villa maiore nupta, nomen gentilitium intulit huic familiae, inde iterum per feminam de latum, ad familiam de Cazeres et Escobar, quorum posteri Comites de Mora dicuntur. Idem Spenerus ubi supra, Part. 2. in Indice, ubi historia illustris huius Familiae.